Овој рецепт се подготвува за помалку од 20 минути

1. На даска за сечење на киселите краставици им ги отсекуваме краевите. Потоа краставиците ги лупиме и ги сечеме на половина по должина. Потоа со кафена лажица половинките краставици ги длабиме за полнење.
2. Претходно сварените јајца ги лупиме и ги оставаме во сад настрана. И сварениот компир го лупиме и го ставаме на страна.
3. Шунката ситно ја сечкаме и ја собираме во поголем длабок сад. Потоа ситно го сечкаме компирот и го додаваме во садот. Истото го правиме и со варените јајца, а потоа во садот го додаваме мајонезот, а потоа и павлаката. Сè убаво промешуваме за смесата да се соедини.
4. Со оваа смеса ги полниме издлабените половинки краставици. Вака подготвените кисели краставици на унгарски начин ги редиме на чинија за сервирање.