Овој рецепт се подготвува за помалку од 50 минути

1. На даска за сечење кромидот ситно го сечкаме и го собираме во еден сад. Потоа на сланината и ја отстрануваме кожата и ја сечкаме на коцки.
2. На оган ставаме тава за пржење и во неа масло за јадење. Коцките сланина ги собираме на чинија и ги ставаме на тавата да се пржат. Промешуваме и во тавата го додаваме кромидот. Повторно промешуваме, посолуваме и наросуваме бибер.
3. Тавата за печење ја попрскуваме со масло за јадење. Намрсената тава ја наросуваме со лебни трошки. Потоа во тавата го ставаме готовото смрзнато лиснато тесто.
4. Врз тестото го оставаме филот од тавата. Сирењето го сечеме на тенки парчиња кои ги редиме врз филот од сланина.
5. Во сад за матење ги кршиме јајцата и ги матиме со миксер. Во изматените јајца ја додаваме павлаката и повторно матиме со миксер. Магдоносот ситно го сечкаме и го додаваме во садот за матење. Повторно матиме со миксер и посолуваме.
6. Оваа смеса со црпалка ја додаваме во тавата за печење. Тавата ја ставаме во рерна. Печеме 20 минути на 200°C. Го вадиме кишлоренот од рерна, го сечеме на парчиња и служиме.