За овој рецепт се потребни помалку од 40 минути

1. Лентите сланина и горгонзолата исечкајте ги на коцки, а босилекот ситно исечкајте го.
2. Јајцата искршете ги и поделете ги жолчките од белките.
3. Во тенџере на оган ставете го маргаринот и млекото и посолете, па откако ќе зоврие, постепено додавајте го гризот и мешајте непрекинато со жица за матење.
4. Откако гризот ќе ја добие потребната густина, тргнете го тенџерето од оган, додајте ги сланината, горгонзолата, босилекот и жолчките и мешајте додека се соединат.
5. Со две намастени лажици од смесата формирајте ќофтиња и ставете ги во огноотпорен сад.
6. Во чинија измешајте црвен пипер, буковец, сол, бибер, додајте ја павлаката и со смесата полијте ги ќофтињата.
7. Печете ги во загреана рерна на 200 степени околу 10 минути.