За овој рецепт се потребни помалку од 35 минути

ТЕСТО:

1. Жолчките и 6 лажици шеќер во прав пенасто изматете ги со миксер, па додајте го маслото и измешајте со лажица додека смесата се соедини.
2. Белките посебно изматете ги со миксер во цврст снег, па соединете ги постепено со жолчките и на крај додајте го брашното измешано со прашакот за печиво.
3. Смесата сипете ја во соодветен калап за печење обложен со хартија и печете на 175°C, 20-25 минути.
4. Оставете малку да се олади, па премачкајте со џем од портокал.

ФИЛ:

1. Со миксер пенасто изматете го маргаринот со 250 грама шеќер во прав.
2. Пудингот сварете го со млекото (може да употребите и прав за пудинг со вкус на слатка павлака или друг по желба).
3. Откако ќе се олади пудингот, лажица по лажица измешајте го со изматениот маргарин.
4. Изрендајте 60 грама чоколадо и измешајте ја со кремот.
5. Бананите излупете ги, преполовете ги и наредете ги на тестото. Врз нив нанесете од филот, па премачкајте со изматена слатка павлака.
6. Оставете на ладно место да се стегне колачот, па потоа одозгора декорирајте со чоколадо во прелив, свежи парчиња банана и со остатокот од ренданото чоколадо.