За подготовка на овој рецепт потребни се помалку од 45 минути

1. Матете ги белките од јајцето и постепено додавајте шеќер.
2. Додајте ги мелените бадеми, брашното и прашакот за печиво и убаво промешајте.
3. Тавата за печење обложете ја со хартија за печење и разлејте ја добиената смеса. Печете во загреана рерна на 150°C околу половина час.
4. Подготовка на филот: во сад растопете го чоколадото на пареа и помешајте го со слатката павлака.
5. Подготовка на вториот фил: во друг сад додајте 6 децилитри млеко, 140 грама шеќер и ванилин шеќер и варете на оган додека не зоврие. Останатиот дел од млекото измешајте го со жолчките од јајце и 300 милилитри слатка павлака и варете на умерена температура додека смесата не се згусне.
6. Желатинот измешајте го со 8 супени лажици ладна вода и кога ќе се зголеми, додајте го во смесата од вториот фил. Слатката павлака изматете ја со миксер и додајте ја во оладениот пудинг. На крај, додајте ги исечканите јагоди.
7. Извадете го тестото што го печевте половина час и прелијте го со филот од чоколадо и оставете кратко да се подолади. Потоа додајте го филот од јагода и ванила и убаво израмнете.
8. Крем шлагот од ванила изматете го со 2 децилитри млеко и додајте го врз филот. Пред да послужите, оставете го колачот во фрижидер да се стврдне, потоа исечете на коцки и декорирајте со парчиња јагода.