Овој рецепт се подготвува за помалку од 100 минути

1. Квасецот со едно лажиче шеќер, малку вода и 2 лажички брашно се размешува и се чека да нарасне. Се додава во брашното и маслото, па со топла вода се замесува тесто, се остава половина час да стаса.
2. Стасаното тесто се дели на 6 топки, врз 4 од нив се ренда претходно замрзнат маргарин.
3. Се редат три од топчињата едно врз друго, на последното да нема маргарин, и со сукало се прави округла кора која ќе биде поголема од тавата во која ќе се пече коприварникот.
4. Во намрсен плех се става кората. Претходно во тенџере на оган се пржи еден страк праз и 300 г млада коприва со малку сол и бибер. Откако ќе се испржи, се истура врз кората во плехот, а од надворешниот дел на тестото се прави витка.
5. Потоа, со преостанатите две топки од тестото се сука уште една кора и се поклопува целиот плех одозгора. Врз зелникот со виљушка се прават неколку дупчиња и се ставаат парченца маргарин.
6. Се пече во загреана рерна на 200 степени 40 минути.