За подготовка на овој рецепт се потребни помалку од 50 минути

1. Пенасто изматете го маргаринот со 200 грама шеќер и со ванилиниот шеќер. Додавајте едно по едно јајце (секое јајце матете го 1/2 минута со миксер).
2. Брашното измешајте го со прашакот за печиво и потепено додавајте го во смесата со јајцата и шеќерот.
3. Добиената смеса ставете ја во намрсен плех со димензии 30х40 сантиметри, ставете го плехот во загреана рерна на 180 степени и печете околу 20-тина минути, а потоа оставете настрана да се олади.
4. Исцедете ги праските, зачувајте го сокот, а овошјето исечете го на парчиња по должина.
5. Во тенџере ставете 1 пакување желатин и прелијте го со 4 лажици вода, оставете да отстои 10-тина минути, а потоа стопете го на тивок оган.
6. Додајте го сокот од компотот во тенџерето (околу 4 децилитри) и со постојано мешање загрејте го, но не треба да зоврие.
7. Распоредете го овошјето врз оладеното тесто и прелијте го со разладениот течен сок. Тестото би требало да упие од сокот и да стане сочно и лесно.
8. Другата ќесичка желатин прелијте ја со 4 лажици вода и оставете да набабри.
9. Пудингот од ванила сварете го со 50 грама шеќер според упатството на пакувањето, а потоа измешајте го со стопениот желатин и целата смеса прелијте ја врз овошјето.
10. Оставете го пудингот да се олади, подгответе го шлагот, а потоа нанесете врз колачот. Исечете го на коцки и декорирајте со свежи парчиња праски одозгора врз секое парче.