За овој рецепт се потребни помалку од 40 минути

1. Половина од просото се меле во машина за мелење кафе.
2. Се меша со преостанатото просо, се додава брашно и се посолува.
3. Се додава путер и добро се замесува, а потоа со прсти се рони смесата.
4. Млекото се загрева, па се додава мед и се меша да се стопи.
5. Потоа во изронетата смеса се додава млеко, па повторно се замесува за да стане хомогена.
6. На набашнета површина се развлекува кора, но не многу тенка, и се сечат облици по желба. Со виљушка се боцка на неколку места. Може да се наросат со ким, лен или сусам по желба.
7. Крекерите се редат на плех обложен со хартија за печење и се печат на 180 степени околу 10 минути. Потоа се вртат и се печат од другата страна уште 10-15 минути.