Овој рецепт се подготвува за помалку од 20 минути

1. Длабоко тавче ставете го да се загрева на најјако. Во него ставете ги ситно исечканите кромид и две чешниња лук. Оставете ги да се пржат некоја минута. Не грижете се ако почнат да се лепат за тавчето, така се добива екстра вкус. Кога ќе почнат да стануваат кафеави т.е. да се карамелизираат, ставете малку бистра зеленчукова супа. Со тоа ќе го намалите загорувањето на тавчето.
2. Потоа ставете ги исечканите печурките. Ние употребивме шитаке печурки, но можете да употребите какви вие сакате. Ако користите шампињони имајте во предвид дека ќе пуштат повеќе вода па затоа користете помалку од супата.
3. Пржете ги печурките некоја минута, ако почнат да се лепат за тавчето додавајте по малку од супата.
4. Додајте го соја сосот, промешајте и пржете уште некоја минута.
5. Во меѓувреме ставете ги тестенините да се варат според упатството. Ние се одлучивме за интегрални шпагети, но можете да употребите било какви тестенини вие сакате.
6. За да го направите сосот кремаст, во блендер ставете ги индиските ореви, млекото (може да употребите од индиски ореви, бадемово, кравјо…), сок од лимон, сол и лук во прав. Убаво изблендирајте.
7. Сипете го сосот во тавчето и гответе додека не се згусне и намали количински.
8. Префрлете ги сварените тестенини во тавчето со сосот. Ако сосот е многу густ додајте малку од водата во која се вареа тестенините. Промешајте и готови сте.
9. По желба додајте свежо или суво оригано.