За овој рецепт се потребни помалку од 40 минути

1. Кромидот и лукот ситно исечкајте ги и испржете ги. Откако ќе омекнат, додајте го изренданиот морков и промешајте.
2. Потоа додајте го и меленото месо и зачинете со зачини по вкус.
3. Откако месото ќе се испржи, се додава доматното пире и убаво се промешува за да месото го впие сокот од доматите. Тргнете настрана.
4. Во тенџере зовријте вода со малку масло и сол. Откако водата ќе зоврие, додајте ги шпагетите и варете ги.
5. Потоа исцедете ги и половина од шпагетите ставете ги во калап за куглов, премачкан со маргарин.
6. Врз шпагетите изрендајте кашкавал или пармезан, па истурете од смесата со месо.
7. Врз смесата повторно се ренда кашкавал и на крај се става другата половина од шпагетите.
8. Одозгора наросете уште кашкавал и печете во загреана рерна на 200 степени, околу 25 минути.
9. Тортата од шпагети извадете ја од рерна и оставете ја 10-тина минути да се излади, исечете и сервирајте.