За овој рецепт се потребни помалку од 15 минути + 30 минути во фрижидер

1. На парчињата бел леб (за клуб сендвичи) исечете им ја корката и израмнете ги со сукало убаво да се сплеснат.
2. Потоа премачкајте на едно парче од мајонезот, а на останатите од крем сирењето.
3. Ставете од шунката и од пршутата, маслинките (или маринирани печурки) и руколата.
4. Внимателно свиткајте го лепчето во ролат и постапката повторете ја со останатите состојки.
5. Така свитканите ролати обвиткајте ги во проѕирна фолија и оставете ги 30 минути во фрижидер.
6. Извадете ги од фрижидер, исечете ги на тркалца и веднаш послужете ги.