За овој рецепт се потребни помалку од 35 минути

1. Тиквата преполовете ја, излупете ја и извадете ѝ ги семките, а потоа исечете ја на коцки.
2. Чешнето лук преполовете го и пржете го со малку масло заедно со исечканиот рузмарин.
3. Извадете го чешнето лук и додајте една кутлача од готовата зеленчукова супа. Почекајте смесата да проврие, па додајте ја тиквата и гответе околу 15 минути на умерен оган додека омекне. Додавајте по потреба уште супа.
4. Во меѓувреме во тенџере стоплете го млекото и додајте го морското оревче, претходно растопениот путер и брашното. Гответе на умерен оган и мешајте со жица за да не се направат грутки.
5. Во огноотпорен сад распоредете со лажица од сосот со млеко, потоа наредете листови лазања и на крај смесата со тиква. Повторете ја постапката додека го потрошите материјалот и завршете со слој лазања.
6. Печете ја лазањата во загреана рерна на 180°C околу 20 минути.