За овој рецепт се потребни помалку од 60 минути

1. Квасецот во прав измешајте го со млаката вода. Потоа измешајте го и брашното.
2. Млекото малку загрејте го (да биде млако) и измешајте го со шеќерот и со солта и додајте го со брашното.
3. Додавајте постепено и масло, мешајте со дланките, додајте го и омекнатиот путер и замесете меко тесто. Оставете го да стаса неколку часа.
4. Поделете го тестото на два дела, еден дел од околу 900 грама, а другиот 450 грама. Расукајте го поголемиот дел од тестото во форма на триаголник со должина од 36 см, тесниот дел 6 см, а основата околу 20-23 см. Попрскајте го тестото со вода.
5. Потоа помалото тесто расукајте го и со нож исечете ленти од околу 1 см дебелина. Наредете го тестото на основата на триаголникот како брадата на Дедо Мраз.
6. Направете и топче од вишокот тесто (нос), помали ленти (бркови) и поголемо топче (врвот на капата).
7. Ставете го тестото во плех со намастена хартија за печење. Ставете му очи од маслинките, а прехрамбената боја измешајте ја со 1 матено јајце и намачкајте ја капата.
8. Печете го лебот на 180 степени, 35 минути.