Овој рецепт се подготвува за помалку од 70 минути

1. Во далбок сад со вода ја ставаме леќата да отстои 15 минути и ја цедиме во цедалка. Ја ставаме да се вари во тенџере со вода на оган и го додаваме ловоровиот лист.
2. Главицата кромид ситно ја сечкаме, ја пржиме на загреано масло во тава на оган и мешаме со лажица.
3. Киселите краставички ги сечкаме на ситни коцки, а сардините на парчиња, и ги додаваме во тавата со омекнатиот кромид.
4. Копарот ситно го сечкаме и го додаваме во тавата. Посолуваме, наросуваме мелен црн пипер и промешуваме. Содржината од тавата ја додаваме во тенџерето со леќата и промешуваме.
5. Брашното го додаваме во садот со павлаката и промешуваме. И павлаката со брашното ја додаваме во тенџерето и мешаме со лажица. Откако леќата ќе ја добие потребната густина со црпалка ја сервираме во чорбалак.
6. Лентите сланина ги сечеме на тенки долгнавести парчиња и ги пржиме во тава на оган. Откако ќе поруменат ги нанесуваме врз леќата.