За овој рецепт се потребни помалку од 30 минути

1. Прво припремете го преливот од карамела: растопете го путерот со шеќерот во тенџере на тивок оган и мешајте додека шеќерот целосно се растопи. Внимавајте да не изгори.
2. Потоа додајте го млекото и оставете на оган додека смесата зоврие и се згусне, цело време мешајќи. Кога ќе добиете хомоген густ крем, тргнете го тенџерето настрана.
3. Настрана во сад изматете ја слатката павлака со миксер во цврст снег.
4. Бисквитите издробете ги и ставете ги во стаклени чаши, додајте ги исечканите банани, прелијте ги со карамелата и со готварски шприц декорирајте со шлагот. Потоа наредете уште еден слој од состојките додека се потрошат и послужете.

*Од карамела преливот може да ви испадне поголемо количество, но може да го употребите со разни десерти, сладоледи и колачи.