За овој рецепт се потребни помалку од 40 минути

1. Јајцата матете ги со миксер на најсилно околу 10 минути. Треба да добиете смеса со трипати поголем волумен, а јајцата треба да бидат густи и пенасто изматени.
2. Нутела кремот растопете го на пареа на следниот начин: ставете го кремот во стаклен сад. Во тенџере ставете вода и зовријте ја на рингла. Потоа врз тенџерето ставете го стаклениот сад со кремот и мешајте додека се растопи.
3. Измешајте ја смесата со јајца и нутела крем и повторно изматете со миксер, но овој пат малку и со послаба јачина колку да добиете хомогена смеса.
4. Смесата претурете ја во кружен калап за торти и печете ја во претходно загреана рерна на 175 степени, околу 20-25 минути.
5. Тортата оставете ја кратко да се подолади, па посипете ја со шеќер во прав и послужете.