За подготовка на овој рецепт се потребни помалку од 40 минути

1. Одберете зрели, тврди круши со околу иста величина и излупете ги. Ако се мали круши, преполовете ги, а ако се поголеми исечете ги на кришки.
2. Ставете ја водата во тенџере на оган. Кога ќе зоврие, ставете ги крушите и варете ги 5 минути.
3. Со метална решеткаста лажица извадете ги крушите и оставете ги настрана да се исцедат.
4. Оладените и исцедени круши распоредете ги во чисти, стаклени тегли.
5. Во сирупот каде што се вареа крушите додајте толку вода колку да добиете потребна количина за потоа да прелиете во теглите.
6. Ставете повторно на оган и додајте го шеќерот и ванила стапчето. Гответе со постојано мешање додека не се растопи шеќерот.
7. Смесата прелијте ја врз крушките во теглите и пастеризирајте ги 15 минути.