За овој рецепт се потребни помалку од 50 минути

1. Растопете го чоколадото заедно со путерот во тенџере на среден оган. Постојано мешајте додека добиете хомогена смеса.
2. Кога ќе се растопи чоколадото, во тенџерето измешајте го какаото, мешајте да нема грутки и тргнете настрана да се подолади.
3. Во друг сад со миксер изматете ги јајцата и шеќерот. Откако убаво ќе изматите, постепено додавајте го чоколадото и миксирајте.
4. Брашното измешајте го со печивото и со солта и додајте ги на смесата со чоколадо, постојано мешајќи со лажица или жица за матење. Мешајте за да нема грутки.
5. На крај додајте ги ситно сечканите лешници во смесата и повторно измешајте.
6. Прелијте ја смесата во сад (димензии 20см х 28см), обложен со хартија за печење и печете на 180°C, 20 минути.
7. Оставете го колачот неколку минути да се подолади и потоа со метални садови за колачи во форма на елки, формирајте ги колачињата. Ако немате готови форми, пробајте сами: со нож преполовете го колачот, па сечете прво еднакви триаголници (со димензии 7-8 см и должина 9 см), па правете мали засеци од триаголниците за да добиете форма на елка.
8. Декорација: белката од јајце изматете ја со миксер во цврст снег заедно со шеќерот во прав и неколку капки лимонов сок. Добиената смеса поделете ја во неколку чинивчиња и додајте прехрамбени бои по желба (сина, црвена, портокалова…).
9. Со готварски шприц декорирајте ги елките на краевите. Ставете и шарени чоколадни бомбони по желба. На крај прицврстете ги колачите со дрвени стапчиња за сладолед и уживајте!