За подготовка на овој рецепт се потребни помалку од 50 минути

1. Исечете го пилето на крупни парчиња, а потоа парчињата измијте ги и исушете ги со кујнска крпа, посолете ги од двете страни и ставете ги да се пржат во поголема длабока тава со маргарин.
2. Додајте ликер (може да употребите ликер од праски), исечкан магдонос, лешници, кари во прав, бело вино и претходно подготвената пилешка супа. Варете додека месото не омекне.
3. На крај ставете ги парчињата праски, павлаката и брашното и мешајте дополнителни 20-тина минути додека смесата не зоврие и не се згусне.
4. Готовото пилешко месо извадете го од садот во кој го готвевте, послужете го на чинија и полијте го со сосот од праски.