За овој рецепт се потребни помалку од 60 минути

1. Зеленчукот добро се мие и се сечка (доматите претходно се лупат, а компирите се варат). Месото исто така се сече на парчиња.
2. Кромидот се запржува со пиперките, а потоа се додава месото. Се пржи околу 10 минути, па постепено се додава останатиот исечкан зеленчук и оризот, претходно добро измиен.
3. Се додава малку вода и сето ова се динста уште 10 минути.
4. Потоа се зачинува со сол, бибер и вегета, се додава уште малку вода и се става во поголема тава за печење.
5. Се пече во загреана рерна на 200°C, околу 25-30 минути. За време на печењето може да додадете уште малку вода доколку оризот ја има впиено течноста. Кога ќе се запече зеленчукот и фати кора, јадењето е готово.