За подготовка на овој рецепт се потребни помалку од 20 минути

1. Пиперките измијте ги, исечете ги по должина и исчистете ги. Оставете ги половина ден да отстојат на сонце.
2. Отстоените пиперки ставете ги во тенџере на оган, прелијте ги со оцет и додајте сол, бибер и ловоров лист. Кога ќе почне да врие, гответе 3-4 минути, но внимавајте да не ги готвите премногу за да не се распаднат.
3. Пиперките исцедете ги, а течноста ставете ја настрана. Повторно ставете ги на сонце да се сушат цел ден.
4. Откако ќе се исушат пиперките, распоредете ги во тегли со магдонос и бел лук, а потоа прелијте ги со масло за јадење по желба.
5. По неколку дена, доколку е потребно, додајте уште масло и херметички затворете ги теглите. Чувајте ги на ладно и суво место.