За овој рецепт се потребни помалку од 100 минути

1. Главицата кромид се пржи на загреано масло во тава на оган, па откако ќе омекне се додава меленото месо да се запржи. Се зачинува со сол и бибер и се промешува.
2. Во тенџере со зовриена вода на оган се става коцката за супа. Во супата се варат пилешките гради исечени на половина по должина.
3. Свареното месо се вади од тенџерето и ситно се сечка.
4. Во длабок сад се мешаат киселото млеко, оцетот, гмечениот лук, јајцата и брашното.
5. Во правоаголна тава намастена со масло се радат три кори попрскани со масло, врз нив се нанесува половина од филот од мелено месо.
6. Се прекриваат со три кори исто така попрскани со масло, па се нанесува фил од пилешкото месо и се ставаат три кори попрскани со масло.
7. Повторно се редат три кори попрскани со масло, па се додава преостанатиот фил од мелено месо и се покрива со 3 кори.
8. Питата се сече на коцки и се попрскува со масло, па се пече 40 минути на 220 степени.
9. Питата се прелива со 200 мл пилешка супа и со преливот од кисело млеко, па се враќа да се допече уште 30 минути.