За овој рецепт се потребни помалку од 40 минути

1. Во подлабок сад ги ставаме брашното, млекото, маслото, квасецот, печивото, шеќерот и солта. Замесуваме тесто и го оставаме да стаса околу 1 час.
2. Кашкавалот и шунката ги рендаме во посебни садови.
3. Јајцата ги кршиме и ги двоиме белките од жолчката.
4. Од стасаното тесто расукуваме кора дебела околу 0,5 см. Со калап или чаша сечеме кружни форми, ги ставаме во длабнатините на мафин калапи, претходно намачкани со маргарин.
5. Со рака, тесото го распоредуваме по ѕидовите на длабнатините, средината ја намачкуваме со кечап, а краевите со жолчки.
6. Средината од тестото ја полниме со шунката и кашкавалот, а врз нив ставаме со лажиче малку од белките.
7. Кошничките се печат во рерна на 200 степени околу 30 минути, или додека заруменат.