За овој рецепт се потребни помалку од 35 минути

1. Во тенџере на оган ставете ја водата со маргаринот и малку сол.
2. Кога водата ќе зоврие, ставете го брашното и мешајте на средна температура додека тестото не почне да се одвојува од садот.
3. Тргнете од оган и во тестото постепено ставајте едно по едно јајце, па убаво измешајте со раце. Постепено на истиот начин додајте го и останатото јајце (треба да ставите 3 јајца).
4. Со лажица вадете од тестото и ставајте топчиња врз намастена хартија, одделени едно од друго.
5. Печете ги профитеролите на 220 степени околу 15 минути или додека добијат убава златножолта боја. За време на печењето не ја отварајте рерната.
6. Чоколадото растопете го во тенџере на умерена температура и измешајте ја внатре слатката павлака и една лажица путер. Гответе кратко и мешајте додека да добиете густ прелив.
7. Во друг сад измешајте ги жолчките, 2 јајца, белото вино и 120 грама шеќер. Смесата гответе ја на пареа додека не добиете густа пена (околу 10 минути).
8. Профитеролите ставете ги во стаклени чаши или стаклен сад, прелијте ги со кремот од чоколадо и со преливот од вино.