За овој рецепт се потребни помалку од 50 минути

1. Свинските шницли се тенчат со кујнски чекан, се посолуваат и се наросуваат со бибер.
2. Морковот, бабурата и лукот се чистат и ситно се сечкаат.
3. Сланината се сечка на коцки и се пропржува.
4. Се додаваат меленото месо, претходно исечканиот зеленчук и лутото пиперче по вкус, а потоа се долева малку вода. Се динста 5 минути со постојано мешање.
5. Се додава варен домат и малку вода, па се зачинува по вкус.
6. Се поклопува и се остава да се крчка на тивок оган со повремено мешање додека испари водата и месото омекне.
7. Се додава и брашното, добро се меша, се трга од оган и се остава да се излади. На крај се додава рендан кашкавал.
8. Со филот се премачкуваат зачинетите шницли, се виткаат во ролат и се прицврстуваат со чепкалки.
9. Секој ролат внимателно се валка во брашно, изматени јајца и лебни трошки.
10. Се пече во добро загреано масло околу половина час и се вади врз салфетка за да ги впие вишокот маснотии.
11. Се служи со помфрит и со сезонска салата.