За овој рецепт се потребни помалку од 35 минути

1. Компирите излупете ги и сварете ги во солена вода.
2. Во друго тенџере ставете ја пилешката супа, сечканиот морков, целер и кромид. Кога ќе почне да врие, ставете ги пилешките гради и варете ги на силен оган околу 15 минути или додека месото убаво омекне и се свари.
3. Извадете го пилешкото месо од супата и оставете го настрана во чинија да се олади. Компирите исцедете ги и тие исто така оставете ги да се оладат.
4. Во сад измешајте ги мајонезот, павлаката, зачините и киселите краставички претходно ситно исечкани. Измешајте добро за да добиете хомоген и густ сос.
5. Компирите исечете ги на коцки и измешајте ги со сосот, а пилешкото месо одделете го на парченца со рацете и него ставете го со кремот и компирите.
6. Сите состојки измешајте ги добро и послужете ги со сечкани краставички или магдонос.