За подготовка на овој рецепт се потребни помалку од 95 минути

1. Квасецот издробете го и измешајте го со малку шеќер, брашно и млако млеко или вода. Покријте го со кујнска крпа и ставете го на потопло место за да стаса.
2. Откако квасецот ќе се зголеми, додајте го во брашното и со млако млеко замесете цврсто тесто. Оставете го тестото покриено на топло место за да стаса.
3. Јајцата, 140 грама шеќер, солта и ванилиниот шеќер и путерот пенасто изматете ги со миксер и додајте ги во стасаното тесто.
4. Повторно со дланките замесете тесто и откако убаво ќе го изработите, ставете го во добро намастениот калап за куглоф и оставете да отстои 30 минути додека тестото не го зголеми волуменот.
5. Печете го колачот во рерна 40 минути на температура од 210°C.
6. Во меѓувреме подгответе го преливот: измешајте рум, вино и останатата количина од шеќерот и ставете ги во тенџере на оган. Кратко мешајте додека се растопи шеќерот и потоа оставете да се олади.
7. Печениот саварин извадете го од калапот, оставете да се олади, прелијте го со ладниот прелив, декорирајте со парчиња овошје по желба или премачкајте го со џем, слатко, мармалад од овошје и во внатрешноста додајте матена слатка павлака.