За овој рецепт се потребни помалку од 30 минути

Колачи:

1. Белките се матат во цврст снег со прстофат сол и со постепено додавање на 9 лажици шеќер и 9 лажици ладна вода. Се продолжува со матење уште 10 минути додека белките не го удвојат волуменот.
2. Калапот за куглов се премачкува со масло и се истура снегот од белките. Се пече во загреана рерна на 160 степени точно 12 минути.
3. На крај малку се подотвара вратата од рерната за да се изедначи температурата со надворешната и на тој начин да се спречи опаѓањето на волуменот на запечениот снег.

Крем:

1. Жолчките пенасто се матат со жица и постепено се додаваат 4 лажици шеќер, ванилин шеќер, нишесте (или меко брашно тип 400), па внимателно се меша.
2. Млекото се става да зоврие, се додава смесата од жолчки и се вари на тивко 2-3 минути додека да се згусне.
3. Се трга од оган и се додава лимонов сок. Се меша и се остава да се излади.

Финална постапка:

1. Ливчињата бадем малку се потпржуваат на суво во тава, па околу 50 г се посипуваат врз запечениот снег од белки. Ова е опционално, може врз колачот да посипете само карамел.
2. Во тава се карамелизира 50 г шеќер со 5 лажици вода и се прелива врз снегот од белки.
3. При сервирање се послужува со кремот.