За овој рецепт се потребни помалку од 35 минути

1. Шпагетите сварете ги во солена вода според упатството на пакувањето. Исцедете ги, измијте ги со вода и ставете ги настрана.
2. Меленото месо измешајте го со ситно сечканиот кромид (или рендан), лебните трошки, лукот во прав, бибер, сол, 2 лажици сос од домати и една белка малку изматена со виљушка.
3. Од смесата формирајте ќофтиња и пржете ги во тава со загреано масло од сите страни додека добијат убава кафена боја.
4. Откако ќе се испржат, во тавата додајте го останатиот доматен сос, намалете ја температурата, покријте со капак и гответе 10 минути со повремено мешање.
5. Сервирајте ги ќофтињата врз варените шпагети, поросете со пармезан и со сечкан свеж босилек.