За овој рецепт се потребни помалку од 70 минути

1. Јаболките излупете ги и изрендајте ги на крупно и измешајте ги во сад со циметот и ванилиниот шеќер.
2. Жолчките изматете ги со миксер заедно со половина од шеќерот. Матете додека шеќерот да се растопи и да добиете кремаста смеса.
3. Во садот со жолчките додајте ги брашното, мелениот рогач, печивото, маслото и млекото и мешајте со лопатка.
4. Соединете ги смесата со јаболки и смесата со жолчки и промешајте убаво со лопатката.
5. Белките изматете ги со миксер со преостанатиот шеќер додека шеќерот се растопи, па и нив измешајте ги во садот.
6. Правоаголна тава бр. 38 намастете ја со масло и набрашнете ја, па во неа претурете ја смесата за колачот.
7. Печете го колачот во рерна на 190 степени, 45 минути. Откако ќе се испече, колачот извадете го од рерна и оставете го настрана додека приготвувате прелив.
8. Чоколадото искршете го и растопете го во тенџере на оган. Додајте ја слатката павлака, мешајте со лажица и откако преливот ќе се соедини, нанесете го врз печениот колач.
9. Оставете го колачот да се олади и потоа исечете на коцки.