За подготовка на овој рецепт се потребни помалку од 90 минути

1. Сливите измијте ги убаво и изложете ги на сонце, заедно со семката. Сушете ги од утро до мрак и ставете ги внатре настрана, покриени со кујнска крпа.
2. Утредента преполовете ги, извадете ги семките, ставете ги во плех и сушете ги во загреана рерна на 50°C.
3. Кога од едната страна ќе се исушат, свртете ги од другата страна и сушете ги. Направете притисок со прстот и проверете дали се суви со тоа што нема да испуштаат повеќе сокови.
4. Превртувајте ги неколку пати, а кога ќе им се потсобере лушпата, зголемете ја температурата на 70°C и сушете ги до крај. Вака исушените сливи може да ги сочувате со години ако ги држите во платнено ќесе обесени на суво и темно место.