Овој рецепт се подготвува за помалку од 60 минути

1. Се мешаат млекото, шеќерот и маслото. Потоа постепено се додаваат брашното, ванилиниот шеќер, прашокот за печиво и афионот.
2. Откако смесата ќе се изедначи, се става во плех (подмачкан со масло и наросен со брашно) и потоа се пече. Испеченото тесто се сече на 2 еднакви дела.
3. Се вари пудингот според упатството и потоа се остава да се излади.
4. Се филува така што се става првиот дел од кората, потоа се премачкува со изладениот пудинг, па одозгора се става и вториот дел од кората.
5. Одозгора се прелива со чоколадна глазура или по желба се украсува со изматена шлаг пена, па се декорира по желба.