За овој рецепт се потребни помалку од 30 минути

1. Во садот со желатинот додајте 5 лажици вода и измешајте.
2. Белото чоколадо растопете го на тивко во тенџере на оган, па откако ќе се растопи додајте половина од набабрениот желатин и 100 мл слатка павлака.
3. Мешајте и откако ќе се растопи желатинот, тргнете го тенџерето од оган, додајте 200 мл кисела павлака и румот, па мешајте додека добиете хомогена смеса.
4. Црното чоколадо растопете го во друго тенџере на оган, додајте ја преостанатата слатка павлака и преостанатиот желатин.
5. Измешајте и кога ќе се растопи желатинот тргнете го тенџерето од оган, додајте ја преостанатата кисела павлака и инстант кафето и мешајте додека добиете хомогена смеса.
6. Бисквитите натопете ги во млекото и редете ги во правоаголен калап обложен со најлонска фолија.
7. Врз нив прво нанесете од белата, потоа од црната смеса.
8. Прекријте со преостанатите бисквити потопени во млеко, па нанесете повторно од белата и црната смеса.
9. Садот ставете го во замрзнувач, изладениот колач извадете го и исечете го на парчиња. Може да го декорирате со мелени ореви и со шеќер во прав.