Овој рецепт се подготвува за помалку од 60 минути

1. Млекото (400 мл) и шеќерот ставете ги да зовријат. Преостанатото млеко соединете го со пудингот од кесичката, а потоа додајте го во зовриеното млеко и непрекинато мешајќи сварете фил.
2. Претурете го во друг сад, покријте го филот со најлонска фолија и оставете да се излади во фрижидер.
3. Од секоја пишкота исечете по 3 см. Помалите делови од пишкотите издробете ги и соединете ги со путерот и подготвеното изладено кафе.
4. Во круг наредете ги пишкотите во обрач од 20 см. На дното ставете ги подготвените издробени пишкоти.
5. Желатинот прелијте го со 4 лажици ладна вода и оставете да набабри. Откако ќе набабри растопете го на умерена температура.
6. Слатката павлака изматете ја во цврст шлаг, потоа одделете една лажица и додајте ја во растопениот желатин. Промешајте, а потоа додајте ја и преостанатата слатка павлака.
7. Соединете ги изладениот пудинг и слатката павлака. Ставете малку крем врз пишкотите, потоа на некои места нанесете растопена чоколада, па повторно крем и се така наизменично, додека имате крем и чоколада.
8. Оставете 6 часа во фрижидер за да се излади и да се стегне. Декорирајте по желба.