Овој рецепт се подготвува за помалку од 60 минути

1. Златната мешавина се вари во солена вода околу 5-7 минути. Се процедува и кога малку ќе се олади се става заедно во сад со исечканата сланина, кечапот и доматот.
2. Во меѓувреме се подготвува бешамелот.
3. Прво се става зејтинот и брашното. Се пржи на тивко да се изедначи смесата. Се додава и млекото и се меша додека млекото почне да врие. Се додаваат и зачините. Се трга на страна и се додава и јогуртот. Се меша за да се изедначи смесата.
4. Садот во кој ќе се печат тортиљите се премачкува со маргарин и преку тоа се става малку бешамел.
5. Тортиљите се спремаат на тој начин што се полнат со златната мешавина, се виткаат како палчинки и се редат во садот.
6. Одозгора се прелева со бешамелот, се става и рендан кашкавал и се пече на 180 степени околу 40 минути.