За овој рецепт се потребни помалку од 50 минути

1. Листовите блитва исчистете ги и измијте ги, па исечкајте ги на парчиња. Обарете ги во зовиена вода во тенџере на оган и исцедете ја во цедалка.
2. Исцедената блитва ставете ја во огноотпорен сад намастен со масло.
3. Шампињоните исечкајте ги на листови и пржете ги на загреано масло во тава на оган.
4. Откако течноста ќе испари, зачинете ги печурките со сол, бибер и лук во прав и ставете ги врз блитвата во огноотпорниот сад.
5. Фета сирењето исечкајте го на парчиња и додајте го врз печурките.
6. Во друг сад со жица за матење изматете ги јајцата со млекото, па додајте го пармезанот и малку бибер, па претурете ја смесата во огноотпорниот сад.
7. На крај одозгора додајте парчиња моцарела сирење и печете ја блитвата во загреана рерна на 200°C околу 30 минути.