За овој рецепт се потребни помалку од 40 минути

1. Киноата измијте ја многу добро под млаз ладна вода. Потоа исцедете ја и ставете ја во тенџере во кое ќе додадете 2 чаши вода (размерот вода – киноа е секогаш 2: 1, една чаша киноа две чаши вода).
2. Варете ја киноата на умерен оган додека целата вода испари, околу 15 минути. Потоа оставете ја настрана.
3. Во меѓувреме измијте ги и излупете ги морковот, компирот, тиквичката, модриот патлиџан и пиперките и исечете ги на средни коцки.
4. Пржете го зеленчукот во тава со масло и со кромидот, зачинете со малку сол, бибер, покријте со капак и гответе 15-20 минути.
5. Потоа додајте ги доматите и босилекот и гответе уште 5-10 минути.
6. Готвениот зеленчук измешајте го со варената киноа и послужете.