За овој рецепт се потребни помалку од 50 минути

1. Брашното се меша со квасецот, се додава маслото, 1 лажица сол и вода за да се замеси меко тесто. Тестото се дели на четири дела.
2. Секој дел се расукува во кружна кора која се премачкува со маргарин, потоа се засекува на 4 места и се преклопува. Од корите се прават топчиња кои се оставаат да нараснат околу 20 минути.
3. Блитвата се мие, се сечка на ленти и се динста со малку масло и вода. Потоа се додава сол, а кога ќе се тргне од оган се додава едно разматено јајце.
4. Секое топче се засукува во кора, се става од филот, кората се пресекува на средина и секоја половинка се витка во ролат.
5. Питата се реди во подмачкан плех и се чека да нараснат парчињата, па се печат во загреана рерна на 200 степени.