За овој рецепт се потребни помалку од 40 минути

1. Ставете го млекото да се вари. Во меѓувреме пенасто изматете ги јајцата со шеќерот. Додајте ги изматените јајца во зовриеното млеко и варете мешајќи 2-3 минути.
2. Додајте го и гризот, кој сте го раствориле во малку млеко, и со постојано мешање варете додека смесата се стегне.
3. Тргнете од оган и додајте ги ванилата и ренданата кора од лимон. Убаво измешајте.
4. Во подмачкан плех 20х30 наредете 3 листа од готовите кори, секоја премачкувајќи ја со растопениот маргарин. Потоа ставете го филот над нив и убаво израмнете. Над филот по иста постапка наредете ги и преостанатите 3 кори.
5. Печете го колачот на 170 степени додека одозгора добиете убава боја.
6. Извадете ја тавата од рерна, посипете со шеќер во прав и оставете убаво да се излади во фрижидер. Најубаво е да се направи навечер, а да се јаде следниот ден.