За овој рецепт се потребни помалку од 20 минути

1. Чоколадото растопете го на пареа и потоа оставете го настрана да се олади.
2. Слатката павлака изматете ја со миксер во цврст шлаг.
3. Во мал сад измешајте го кафето (претходно варено и оладено) и кондензираното млеко. Кафето се бира по желба – обидете се со појако кафе.
4. Додајте малку од шлагот во смесата со кафе и измешајте со лажица, па потоа додајте го остатокот од шлагот и мешајте за да нема грутки и смесата целосно да се соедини.
5. Потоа претурете ја во пластичен сад. Одозгора претурете го растопеното чоколадо и мешајте со врвот од нож да направите интересни шари во сладоледот.
6. Садот поклопете го со капак и замрзнете го сладоледот најмалку 3-5 часа или преку ноќ.