За овој рецепт се потребни помалку од 60 минути

1. Пашканатот и целерот се сечкаат на коцкички, а морковот на кругови, па се ставаат во тенџере со малку масло да се пропржат.
2. Откако ќе се испржат, се прелеваат со врела вода и се оставаат да се варат додека омекнат.
3. Во друго тенџере се вари крапот (претходно исечен на поголеми парчиња).
4. Откако ќе се свари крапот, се чисти од коските, се сече на помали парчиња и се додава кај зеленчукот заедно да се поваат околу 10 минути.
5. Во меѓувреме, лукот се толчи во аван заедно со оревите и му се додава малку вода за да не биде суво.
6. Откако чорбата ќе се свари, се додаваат зачините, солта и лукот со оревите и се меша.
7. На крајот се додава магдоносот и се закиселува по вкус со лимон.