За овој рецепт се потребни помалку од 50 минути

1. Брашното ставете го во сад, додајте ги јајцата, прстофат сол и лажица маслиново масло. Месете со рацете за да добиете хомогено и еластично тесто.
2. Тестото покријте го со кујнска крпа и оставете го да отстои.
3. Потоа повторно размесете го тестото и со сукало расукајте голема кора.
4. Од кората сечете форми со модли (кружни или квадрати по ваша желба).
5. Во центарот на секоја исечена форма, ставете по лажица фил по желба (месо, кашкавал, пршута, зеленчук). Потоа, со навлажнети дланки поминете на краевите од тестото околу филот и покријте со друго парче тесто.

6. Потоа со прстите притиснете на краевите од тестото за убаво да се залепат. Со формите повторно внимателно пресечете ги равиолите.

7. Се варат во топла вода со малку сол околу 15-тина минути. Потоа се цедат, се мешаат со малку растопен путер и се служат со рендан кашкавал и сос по желба.