За овој рецепт се потребни помалку од 60 минути + 3-4 часа за тестото

1. Во подлабок сад ставете 175 мл вода, солта, медот и маслото. Додајте половина од количината на брашно и замесете хомогена смеса.
2. Потоа додајте го квасецот (претходно растопен со малку вода) и мешајте. Додајте го останатот дел од брашното и замесете меко тесто.
3. Тестото формирајте го во топка и ставете ја во набрашнет сад покриена со крпа, па оставете да отстои 15 минути.
4. Потоа расукајте го на набрашнета површина како четириаголник и превиткајте го од краевите кон средината. Притиснете го со сукало и повторете ја постапката со превиткување на краевите повторно.

5. Оставете го тестото во форма на топка да одмори уште 2 часа врз намастен плех, покриено со крпа.

6. Тестото потоа растегнете го со дланките врз намастен плех додека го покрие плехот целосно. Не го сукајте, тегнете го со рацете и со дланките направете длабнатини во тестото.

7. Оставете го да стасува уште 30 минути.

8. Во сад измешајте 75 мл вода, 30 мл маслиново масло и сол. Прелијте ја фокачата и печете ја 15 минути на 230 степени (во рерна претходно загреана).