За овој рецепт се потребни помалку од 45 минути

1. Од состојките за тесто се замесува тестото, се завиткува во проѕирна фолија и се остава 1 час да отстои на ладно.
2. Сланината се сечка на помали коцки, се пропржува и се исцедува маснотијата.
3. Пиперката се сечка ситно или на ленти, а кашкавалот се ренда на крупно ренде (50 г се оставаат настрана).
4. Павлаката, пиперката, сланината и кашкавалот се додаваат во изматените јајца и добро се меша.
5. Се сука тестото и се става во тркалезна тепсија, така што краевите да ѕиркаат нагоре.
6. Врз тестото се распоредува приготвениот фил, а врз него се рендаат одвоените 50 г кашкавал.
7. Питата се пече на 200 степени околу 30 минути додека да добие златна боја.