За овој рецепт се потребни помалку од 40 минути

1. Загрејте ја рерната на 200°C.
2. Намастете 12 калапи за мафини со путер.
3. Во сад измешајте ги киноа зрната (претходно сварени), одмрзнатиот грашак, ренданиот кашкавал (или пармезан), ситно сечканиот млад кромид и сечканиот магдонос (или копар).
4. Смесата еднакво распоредете ја во садовите за мафини (околу 1/3 секое).
5. Во друг сад со виљушка добро изматете ги јајцата и додајте сол и бибер.
6. Смесата со јајца еднакво распоредете ја во садовите. Одозгора по желба изрендајте уште кашкавал.
7.  Печете ги во загреаната рерна околу 20-25 минути додека јајцата се набабрат и добијат убава златнокафена боја на краевите.
8. Оставете ги да се оладат, па сервирајте ги.