За овој рецепт се потребни помалку од 60 минути

1. Во големо тенџере се ставаат јагнешката глава, белиот и црниот џигер, цревцата, сечканиот кромид, лукот и ловоровиот лист да вријат 15 минути. Потоа водата се истура, се става чиста вода и се продолжува со варење додека да омекне месото.
2. Месото се вади од коската, се сечка на ситни парчиња и се враќа во водата во која се варело. Во водата се додава сечканиот морков, пашканатот, компирот и ренданиот корен од целер. Сето тоа се вари додека омекне зеленчукот.
3. Се става запршка со брашно и црвен пипер, се зачинува со сол, вегета и бибер. По 10 минути се додаваат листовите од ловор, 2-3 чешниња лук, ситно сечкан магдонос и ситно сечкани листови од целер.