За овој рецепт се потребни помалку од 60 минути

1. Јагнешкиот бут засечете го неколку пати од надворешната страна.
2. Излупените 2 чешниња лук згмечете ги, а биберот во зрна истолчете го. Смесата измешајте ја и додајте ја изренданата кора од лимон, солта, сенфот, 2 лажици вода и вегета, па повторно мешајте.
3. Со мешавината од зачини премачкајте го бутот и оставете го да отстои 12 часа.
4. Во добро загреана рерна ставете тепсија со масло за да се загрее. Месото ставете го и запечете го на сите страни и продолжете со печењето на 220 степени.
5. Во меѓувреме останатите 2 чешниња лук и кромидот измешајте ги со ловоровиот лист и рузмаринот, па додајте ги во печењето и прелијте половина од црното вино и оставете да се пече.
6. За време на печењето месото постепено преливајте го со виното, а при крај прелијте со 2 дл вода и остатокот од виното.
7. Извадете го печењето од рерна, сосот од зачините процедете го, додајте слатка павлака и сварете го, а печениот бут исечете го на парчиња и послужете го на чинија одозгора со сосот. Можете да го послужите јадењето со ориз и салата.