За овој рецепт се потребни помалку од 90 минути

1. Квасецот се раствара во малку млака вода, потоа се меша со малку шеќер, сол и се остава да стаса.
2. Потоа го ставаме брашното во еден подлабок сад, а во средината правиме вдлабнатина, па ги додаваме стасаниот квасец, 150 мл масло, 150 мл јогурт и 100 мл млака вода. Додаваме и сол и шеќер и од сите состојки замесуваме тесто и оставаме да стаса 10-тина минути.
3. Во меѓувреме подгответе го филот од следните состојки: јајцата изматете ги со жица и додајте ги сирењето и урдата. Додајте сол и бибер по вкус.
4. Стасаното тесто разделете го на 15 топчиња. Секое топче расукајте го во коричка, секоја коричка (освен најгорната) премачкајте ја со маргарин, па наредете ги една врз друга. Правете така на три места по пет корички.
5. Од секое купче расукајте голема кора колку големината на тепсија број 26 или 28. Се става првата кора, се премачкува со смеса од измешан маргарин со 50 мл масло и се става половина од филот.
6. Потоа се става другата кора, повторно фил, па третата кора која се засекува на триаголни парчиња и се боцка со вилушка.
7. Така приготвеното тесто се остава на собна температура да отстои 30 минути, па се пече 35-40 минути на 180°C.