За овој рецепт се потребни помалку од 60 минути

1. Во тава се пржи кромидот да омекне малку, па се додава меленото месо и се пржат заедно додека заруменат.
2. Маргаринот се топи во друг сад.
3. Се редат три кори една врз друга и секоја се премачкува со маргаринот. Ако корите се потенки, може да се стават и по четири. Последната кора не се премачкува со маргарин.
4. Корите се сечат дијагонално во форма на триаголници. На секој триаголник се нанесува од филот со меленото месо. Може по желба да се додаде оригано и кечап.
5. Потоа триаголниците се виткаат во форма на кифли.
6. Во сад се става студена вода и се потопуваат кифлите од 10 до 15 секунди, па се редат во плех со мрсна хартија. На крајот се премачкуваат со јајце и се посипуваат со сусам.
7. Се загрева рерната на 200 степени и се печат кифлите додека заруменат.