Овој рецепт се подготвува за помалку од 70 минути

1. Најпрвин подгответе ги ќофтињата на следниов начин: се сечкаат чили пиперките и се чисти и сечка лукот.
2. Во меленото месо додајте ги лутите или чили пиперки и лукот, сол, бибер и добро промешајте за да се изедначат вкусовите.
3. Од добиената смеса се прават ќофтиња.
4. Во тава со загреано масло додајте ситно сечкан кромид, па ставете ги внатре ќофтињата да се пржат заедно со кромидот и превртувајте ги за рамномерно се испржат од сите страни. Не дозволувајте кромидот да изгори и затоа внимателно мешајте цело време.
5. Кога ќе бидат готови ќофтињата, додајте сечкани печурки, пиперки, пченка и сè тоа тоа прелијте го со доматно пире.
6. Налејте 300 милилитри врела вода и зачините со чили во прав и кари.
7. Варете ги ќофтињата околу половина час.
8. На страна сварете 250 грама кускус според упатството наведено на пакувањето.
9. Кога ќе биде готов кускусот, сервирајте го во чинија и одозгора ставете ги ќофтињата и полејте ги со сосот во кој се вареа.